Proxecto de centro deste curso:
Festa Rachada!!!!!
Dinámica presentación:
Fixemos un crucigrama cos nosos nomes.
Píldora de exercicio. Durante 5 minutos aproximadamente facemos uns exercicios de estiramentos para arrancar con enerxía o día e estar súper concentrados/as.
Asamblea: Zona de linguas e zona de
matemáticas. Sempre en ambas o primeiro, o calendario: día da semana no que
estamos, que día vai antes (onte) e cal vai despois (mañá), cantamos os meses
do ano e facémolos tamén en lingua de signos. Que día de número é, en que mes
estamos, cal é o mes anterior e o que vai despois, cantamos a canción dos meses
do ano (tamén os signamos), en que estación estamos e por último que día fai.
Vídeo días da semana en galego
Na zona de linguas facemos tamén a palabra do día. Déixovos a continuación o abecedario tanto en castelán coma en galego.
Abecedario en galego:
Déixovos dúas imaxes do abecedario en articulemas (como se debe colocar a boca para o son das distintas letras). Son do blog "Sembrando Estrellas", un magnífico blog dunhas mestras de infantil con un montón de material feito por elas onde poñen recursos coma este ou a lectoescritura, a expresión oral...
Pásovos tamén o enlace.
Na zona de matemáticas facemos o número do día coa táboa do 100. Dicimos cal é o número anterior e posterior, sumámoslle unha cantidade e despois retámoslle a ese número a mesma cantide, cantan unidades ten, cantas decenas...
